Gaular IL arrangerer skikarusell SkiCross på Langeland 10.02.2019 kl. 12.00. Førde IL hjelper til med enkelte funksjonar. Rennet er opna for påmelding. Meld på via følgjande lenkjer:

Påmelding SkiCross

Førde IL stiller med følgjande lag på NM-stafetten i Meråker 03.02.2019:

Kvinner

1. etappe Inga Kårstad Skaar - klassisk

2. etappe Ane Brekke - klassisk

3. etappe Gyrid Øygard - fristil

Herrar

1. etappe Gjøran Tefre - klassisk

2. etappe Sindre Hoff - klassisk

3. etappe Torstein Bu - fristil

Vi ynskjer lukke til!

Førde IL langrenn ønskjer alle velkommen til KM-helg på Langeland. Det er gode skiforhold og vi gler oss til besøk av aktive og foreldre frå heile fylket!

Startlister og resultatlister vil bli lagt ut her på nettsida.

Løypekart finn de her:

Fredag og søndag: løypekart-km.25.27.1.pdf

Laurdag: Løypekart.sprint-19.pdf

På treninga i kveld på Langeland vil NRK Sogn og Fjordane stille med eit team og ønskjer å filme deler av aktiviteten på stadion.

NRK skal nytte opptaka til illustrasjon av ei sak som NRK Sogn og Fjordane arbeidar med. Det er også mogleg at det blir stilt spørsmål til utøvarar som er tilstades (dette må i tilfelle kvar enkelt samtykke til).  

Vinklinga vil vere dei fine snøforholda, skiglede osv.

I helga har Gjøran Tefre og Torstein Bu gått Norgescup på Nes.

På sprintrennet fredag vart Gjøran nr. 3 og Torstein nr. 18. Torstein gjekk også 10 km på laurdag og vart då nr. 52.

Fullstendig resultatliste finn du her: 

https://www.skiforbundet.no/nes/resultater/

Kommande helg er det klart for KM på Langeland frå fredag til søndag. Vi vil berre få minne alle på å sjekke om de er sett opp på dugnadslistene desse dagane. Listene finn du her https://langrenn.fordeidrettslag.no/p/18349/mannskapsliste

De er alle veldig viktige for at vi skal klare å få gjennomført eit godt arrangement!

I dag er det klart for karusellrenn nr 2. Rennet går i friteknikk. Sidan vi no har fått snø 😀 vil rennet gå i det vanlege løypenettet og med 15 sekund startintervall. 

Vel møtt til skirenn!

Gjøran var på laurdag igjen å sjå på startstreken i ein verdscupsprint. Denne gong i tyske Dresden. Gjøran fekk 8. beste tid i prologen, og vart nr. 3 i sitt kvartfinaleheat. Dette heldt dessverre akkurat ikkje til å komme vidare til semifinalen. Samanlagt hamna Gjøran på ein 14. plass. Dette er ein svært sterk prestasjon i eit verdscuprenn!

I helga har det vore arrangert norgescup for juniorar på Konnerud. Førde IL langrenn hadde åtte løparar på startstreken, og det vart mange gode resultat. Foto viser Synneva Iren Kvile (2017) som var ein av løparane som gjekk på Konnerud.

https://www.langrenn.com/norgescup-junior-konnerud-2019-alle-resultater.6179908-397220.html

Etter litt fram og tilbake er det no klart at det blir arrangert karusellrenn i morgon 8. januar! Rennet går som planlagt i klassisk stil, og det vert arrangert i sprintløypa. For løypekart og løypelengde sjå tidlegare innlegg her på heimesida: https://langrenn.fordeidrettslag.no/blog/post/136208/ssf-cup-8.-januar-i-sprintloypa?ispage=true

I helga har Gjøran Tefre gått Skandinavisk cup i Vuokatti i Finland. Fredag vart Gjøran nr. 4 i sprintfinalen, og søndag gjekk han inn til ein 11. plass på 30 km fri fellesstart.

Mildveret tærer på snøen, men vi håpar det skal vere mogleg å arrangere karusellrenn tysdag. Endeleg avgjerd vert teken i morgon kveld. Ver obs på at stilart kan verte endra frå klassisk til skøyting dersom forholda tilseier det.

Det er per i dag greie forhold i sprintløypa på Langeland, og vi satsar på at karusellrennet kommande tysdag kan arrangerast. Rennet går i klassisk stil og første start vert kl. 18.30. Det vil straks bli opna for påmelding.

Vi tek atterhald om at rennet kan verte avlyst på kort varsel.

LØYPEKART FOR LANGELAND SKISTADION, NY OG GAMMAL SPRINTLØYPE:

Samla løypelengde: 2 km.

1 km: rett fram mot hestesko i «gammal» sprintløype.

Denne traseen vil bli nytta for klassane 10 år og yngre.

2 km: ta til høgre mot ny sprintløype, deretter til høgre mot hestesko i «gammal» sprintløype.

Denne traseen vil bli nytta for klassane 11 år og eldre.

Praktisk  - tilleggsinformasjon ift. løypekart og oversikt for klasser:

10 år og yngre J/G                                           1 runde i gammal sprintløype

11 og 12 år                                                        1 runde i ny og gammal sprintløype

13 og 14 år                                                        2 runder i ny og gammal sprintløype

15 og 16 år*                                                      3 runder i ny og gammal sprintløype

J17 og eldre                                                      3 runder i ny og gammal sprintløype

G17 og eldre                                                     5 runder i ny og gammal sprintløype   

VEL MØTT TIL SKIRENN!