257 km for Kreftforeningen

Kreftforeningen sitt arrangement Stafett for livet vart arrangert i Førde denne helga. Førde IL Orientering stilte lag, og hadde minst ein løpar på bana gjennom dei 24 timane stafetten varte.

Det vart eit veldig flott arrangement for ei viktig sak. Over 1000 personar deltok på bana dette døgnet. Vi hadde ein del medlemmer som hadde takka ja til å ta 1 eller 2 timar på bana. I tillegg dukka det andre opp og gjekk for klubben. Og mange tok også fleire runder etter det ein hadde forplikta seg til. Takk for alle for ein veldig god innsats.

Totalt gjekk klubben 643 runder på bana. Med 400 meter pr. runde blir dette over 257 km.

Knut Even Hole har kommentert dette på Facebook: "Da er underteikna ferdig med mine to timer fra 05.00-07.00 og tatt to timer til for å få opp antallet på telleren til o-gruppa. Fam. Hole gir 1 krone til Kreftforeningen pr runde o-gruppa klarer, og oppfordrer o-løpere og andre om å gjere det samme. Bruk linken her og støtt opp om ei fantastisk god sak." 

https://innsamling.kreftforeningen.no/stafett-forde…/5-17636